سألت عن أخبار حبيبى فى الفراق
قالوا لسه بيتعذب من البعاد
لسه فيا بيفكر
كل يوم دمعه بيكتر
لا مستحيل نرجع لبعض لامستحيل هنكون لبعض
ازاى أعيش مع انسان أنانى
كل همه ازاى ينسانى
آآه بحبك بس ده كان أيام زمان
أيام ماكان فى قلبك شويه حنان
لكن بعد قسوتك دى اللى مايستحملها انسان
أنا هبعد عنك كمان وكمان
أيوه هبعد وهرمى ورايا كل الأحزان
هنسى الماضى علشان مش هيفيد
أيام ماكان فى قلبك شويه حنان
لكن بعد قسوتك دى اللى مايستحملها انسان
أنا هبعد عنك كمان وكمان
أيوه هبعد وهرمى ورايا كل الأحزان
هنسى الماضى علشان مش هيفيد
وهبدأ حياتى من جديد
مش لازم ارجعله تانى تحت أى ظروف
ازاى ياقلبى ترجع فى يوم لقلب هانك
بعد ما اديته أنت كل حنانك
ازاى ياقلبى تقبل المهانه
اوام نسيت عمل معاك ايه لما لمحتله بحبك بشكل لطيف
ابتسملك وعامل نفسه دمه خفيف
بس فى الحقيقه ان الانسان ده مش ظريف
ولا عمره هيكون على قلبى لطيف
أيوه ابعد وانسى كل اللى عدى معاه
أيوه أبعد وحتى قلبه كمان انساه
بس كل فين وفين
اسال عنه هو فين
وقوله :لسه بيتعذب من الفراق
19 comments:
وجون وجون وجووووووووووون
أنا أول واحد
ايه الحلاوة دي يا يمنى
.جميل بجد انا لسه مش مصدق
رائع بجد
والجزء الأخير لذيذ قوي
لما تيجي
خلينا نشوفك
علشان نعرف مين ابو دم خفيف ده
هههههههههههههههههه
اللي عامل نفسه ظريف
بالتوفيق ياجميل
ربنا يوفقك
حلاوه
ميرسي يا حلاوةدي شهاده اعتز بيها منشخص اعتز بيه
عايز تعرف مين ابو دم خفيف
هههههههههه
مش هقولك.
اسلوبك لذيذ جدا في الكتابة وبيحسنني ان القصة بتحصل قدام عيني
وبعدين اللي يعمل كدة مايبقاش دمه خفيف ولا حاجة ده يبقى انسان معندوش احساس وميستهلش انه يتكتب فيه شعر
بس بجد الاسلوب جميل وبسيط وقريب من القلب
وربنا يوفقك
انا كاتب قصيدة بتقول نفس المعنى
ياريت تشرفيني بالزيارة والتعليق
شكرا
مين يا أختى اللى هيتعذب من الفراق
ده لو مكانه هعمل فرح
ده أنتى البعدعنك غنيمه وخصوصا عن لسانك اللى عايز قطعه
بس بجد جامده أوى
سى يوووووووووووووووو
romantica
الله يخليك ده بس من ذوقك وبعدين هو علي فكره مش دمه خفبف ولا حاجه ده هو اللي عمل نفسه .
نورت البلوج
انتي مالك انتي يتعذب ولا ميتعذبش ياربي ايه التلاقيح دي
وهو يعني كان حد ضربك علي ايديك وقلك تيجي تصاحبيني انتي اللي متقدريش تعيشي من غيري اعترفوا بقي ده الاعتراف بالحق فضيلة يا ساااااتر.
كوين
مش سي يووووو خالص انا زحلانه
سألت عن أخبار حبيبى فى الفراق
قالوا لسه بيتعذب من البعاد
لسه فيا بيفكر
كل يوم دمعه بيكتر
الجزء ده بيقول إن الراجل وفي وشاري
ازاي يبقى أناني بقىىى ؟
؛)
بصي لو محتاره اديني عنوانه وأنا أعدلك معاه أجيبلك قراره
هجيبلك خبره هههههههههههههههههه
حلو البوست يا يمنى و ان شاء الله تبقى شاعر كبيييييير ونقطع على بعض بقى وكده
:)
سي يوووو
ثورة
ازيك اولا البلجايه نورت ده انا عيني زغللت
اكرف البنت تحبك حب البنت تكرفك امال انا بقول عليه اناني ليه اقول اه يقول لأ اقول لأ يقول اه
لما تكون كويسه معاه يبقي وحش ولما قررت انه اناني جاي يحن بعد ايه
هو ده المعني اللي انا اقصده بس كده
انتي نورت البلوج فعلا وبعدين انتي شعرك جميل
وفي بيت انتي مخدتيش بالك منه عندي
عبثا تقتلين الهوى بانانية الصغار فانا لا اهواك لكن اهوى الغرام
romantica
الله يخليك والله دنتا اللي منور البلوج .
لا والله خدت بالي منه وعاجبني فعلا والله شعرك جميل اوي بس فيه مظاهر تذوق كتيرة عايزة استاذ يشرحهالي .
مشاء الله بجد كميله اوى
و عجبنى ان الكلام مش متكلف اوى
و احسن سيبك منه بكره تلاقى سيد سيده
هههههه
بجد كمان عجبنى اوى انك خلاص مش هتقعدى تعيطى عليه و كده
و كمان الجزء الاخير عالى اوى
تحياتى ليك يا فندم
سلااااااام
قلب فاضي ايه يا بتني الكلام العقلاني في العواطف دا اموت فيه عند البنات لانه مكتسب مش فطري
ايوه كدا خليلك قدره علي الاستحمال من حقك عليكي
بس في حتت بتقول انك هتكوني بتكتبي شعر حقيقي بس محتاجه تقري كتير لشعراء مختلفين ولو ينفع تحفظي هتلاقي نفسك بتتغيري في الكتابه بعد كل ديوان
بس انا مستفجأه من الكلام شكلك بتجيدي الفرجه علي خبرات الناس
سالت عنك العافيه ياحبيبتي
وبتسالي عنه ليه
دا كلب ولا يسوه
بجد يايويو احساسك فوق الفظيع
وكلماتك رقيقه جدن
دوسي وربنا معاكي
بلوجتك لذيذه زيك
ربنا معاكي
mamado
لا متخافش انا مفيش حاجة باقيه عليها هههههههههه
نورت البلجاية.
الخيط الرفيع
دايما باخد منك احلي النصايح انا فعلا المفروض اني أقرأ عشان اتعلم اكتر وبحب اكتب الشعر اللي تحسي وانتي بتقرأيه كأنك بتشوفي قصة قدامك .
نورتيني وربنا يخليك ليا يا جميل ,سي يو.
one true thing
ده انتي اللي لذيذة والله عندك حق في كل كلمة قلتيها بذات حكاية الكلب دي هههههههههه
شرفتيني يا قمر.
كلمات جميلة جدا بجد ربنا يزيدك
بس عندي نقطة اعتراض الا وهي
في الاول قلت ان دمعه بيكتر في البعاد ولسه بيتعذب
طيب ازاي نوصل المعلومة دي وبعديها بشوية قلت
كل همه انه ينساني ؟؟؟!!!
ولك تحياتي
Post a Comment