ممكن أقولك
ممكن أقولك علي في قلبي وساكن ليك
علي منعني اني اتكلم غير لعينيك
علي قلبي اللي حبك وبينادي عليك
علي الأيام اللي بسهرها لحد ما عيني تروح لعينيك
يللا معايا نعيش حياتنا ايدي في ايديك
ممكن أقولك
ممكن أقولك ان حياتي وعمري فداك
وانك مهما بعدت هفضل أستناك
وان الشوق يا حبيبي في قلبي بيتمناك
وان العمر يا حبيبي هيعدي وأنا وياك
ممكن أقولك
ممكن أقولك انك مهما بعدت هترجع تاني
لأن عمرك مهتقدر يوم تنساني
هترجع تترجاني......... تتمناني
ده الحب في قلبي وقلبك عمره في يوم ما هيبقي أناني
ممكن أقولك
ممكن أقولك اني اتمني اعيش طول عمري بين احضانك
وان عطشت اشرب من نبع حنانك
وان بردت ادفي في رموش عينيك
وان خفت اطمن بس لما ألمس ايديك
بس انت الدنيا معاك حاجة تانية
كل ما تخلص أحلام تيجي أحلام تانية
مليانة حب وغرام وأشواق حامية
مع بعض هنعرف نعديه لوحدنا
ايدك معايا هنعيش بس بحبنا
ده حب مهما كان هيفضل في دمنا
هيفضل كل اتنين يتعلموا مننا
لكن مهما عملوا عمرهم ما هيبقوا زينا
8 comments:
هيييييييييه انا اول كومنت
بداية كل سنة وانت طيبة بمناسبة رمضان
رمضااان كريم
ايه الروعة دي
كلام جميل فعلا
------------
ممكن أقولك علي في قلبي وساكن ليك
علي منعني اني اتكلم غير لعينيك
========
حلوة جدا الحته دي تعني الاخلاص التام في الحب
-----------
لأن عمرك مهتقدر يوم تنساني
هترجع تترجاني......... تتمناني
----
ثقة
----
هيفضل كل اتنين يتعلموا مننا
لكن مهما عملوا عمرهم ما هيبقوا زينا
طيب ياستي ادينا عايشين علشان نتعلم منكوا
ههههههه
بس بجد القصيدة رائعة
وانشاء الله نشوفك شاعرة كبيرة
ايه ده كده يارومنتيكا
تستغل فرصه غيابى وتبقى أنت أول كومنت
ماشى مكنش العشا
ايه ده يابت انتى ايه
البت المخلطه دى مش البوست اللى فات قولتى هتسبيه وايكش يولع
البوست ده بتحبى فيه وتسبلى له
اسبتى بقه
بس بجد جامده
سى يووووووووووووو
romantica
وحضرتك طيب البلوج كله نور
الله يخليك تتعلم مني ايه ده احنا اللي نتعلم منك
شرفت البلوج.
queen
شوفوا البت راحت قعدت في راس البر واتبسطت وداخلة حاميه علينا ايم فري اعمل اللي عايزاه واكتب اللي انا عايزاه
ههههههه
أفكاري وانا حرة فيها مش بعيد الاقيكي في كوابيسي ابعدي عني شويه خلي اعصابي ترتاح هههه بهزر .
سلاااااام.
والله والنمل طلعله لسان
ياخراااااااااابى على الحقد اللى جواكى
قال يعنى البت ما رحتش اتفسحت وراحت راس البر هى كمان
خساره فيكى انى كلمتك وكنت بسال فيكى اصلن
مش انتى رحتى ولا عبرتنى ولا حتى برساله
وبقيتى كمان بتقولى حريتك
ايه ده هى ثوره هدت عليكى
عليه العوض ومنه العوض
أنا حزينه من قلبى
Post a Comment