دقيقة

دقيقة قلبي قاد فيها حريقة

قلبي داب وسط السحاب من اول نظرة عيون بريئة

حسيت اني هغرق تاني قعدت اصرخ زي الغريقه

ملقتش حد يشد ايدي حتي صاحبة عمري الرفيقة

ملقتش حد يخفف عني يقف جمبي في زنقتي

ملقتش حد يشاركني جرحي زي ما شاركني فرحتي

ملقتش حد يطبطب عليا ياخد بايدي ويمسح دمعتي

مش عاوزه حاجة من اي حد مش عاوزه حاجة من دنيتي

حتي الناس اللي كان زمان معهم جنتي

ومعاهم كانت دايما تعودلي ضحكتي

كنا نزعل ونفرح وبرضه كنا لبعض نشتكي

خلاص الحب راح وانتهي

والا الدقيقة مجتش في وقتها

والا يمكن يعني ممكن يكون ده كله حلم

أو لحظه انا عشتها

وخلاص دلوقتي راح وقتها

مش دا اللي قلنا زمان هنعيش عشانه

نسينا الكلام ده والا والا قلبنا دلوقتي مش في مكانه

والا خلاص حبنا راح وراحت ايامه وزمانه

مش دي اللي كانت زمان بتمسح دموعك

وان غبتي عنها كانت تطلب سرعة رجوعك

ازاي تكون هي سبب الجرح اللي بين ضلوعك

صدقتي دلوقتي ان محدش يستاهل

وان العيشة في الدنيا دي مش بالساهل

وان انت فيها زي ماجيت زي ما راحل

حكمت عقلي وقلت خلاص علي الله نتكل

وخفت عقلي يمشي ورا قلبي رحت رميا قلبي في معتقل

ومش ناوية اجيبه الا لما احس انه عقل

أصلي ياما شفت منه كترت الجراح اللي فيه لحد اما وزنه تقل

كل مره يقولي عادي فيها ايه لو تحبي وتجربي

وفيها ايه لوبنار الحب تتعذبي

ولو تنامي كل ليلة لعقلك تشتكي

ولو كل يوم من الحفرة تقربي

فضلت اقرب اقرب لحد ما وقعت فيها

وكل صاحبه ليا فضلت اناديها

بس جراحي ملقتش حد يداويها

والدقيقة فاتت وخدت معاها كل حلم ليا فيها

قعدت اصرخ من شدة الألم.......

بس بايه هينفعني الندم؟؟؟........

ما الدقيقة فاتت وخلص الكلام ووقف القلم

.............